Cambridge Ameriketako Estatu Batuetako Massachusetts estatuko hiria da, Boston Handia metropoli eremuan. Middlesex konderriko bi hiriburuetako bat da. Ezaguna da, batez ere, munduko unibertsitate garrantzitsunetako bi, Harvard Unibertsitatea eta Massachusetts Institute of Technology, bertan daudelako. 2010ean 105.162 biztanle zituen eta estatuko bosgarren hiririk handiena zen, Boston, Worcester, Springfield eta Lowellen ondotik.